काठमाडौं महानगरपालिकाले गौशाला क्षेत्रका अतिक्रमण गरेर बनाइएका संरचना हटाएको छ।

चक्रपथ सडक सीमाभित्र अतिक्रमण गरेर बनाइएका संरचनामा शुक्रबार महानगरपालिकाले डोजर चलाएको हो।

त्यसक्रममा कतिपय स्थानमा स्थानीयले महानगरको टोलीलाई अवरोध गर्ने प्रयास गरेका थिए। उनीहरूलाई नेपाल प्रहरीको सहयोगमा महानगर प्रहरीले हटाएको थियो।

चक्रपथ सडक सीमा २५ मिटरभित्र बनाइएका पक्की, कच्ची संरचना हटाउने कार्यअन्तर्गत शुक्रबार यस क्षेत्रमा डोजर चलाइएको महानगरले बताएको छ।