सत्तारुढ दल नेकपा एमालेले आगामी मंसिर ७ गते काठमाडौँमा जागरणसभा गर्दैछ। एमालेको उपत्यका मातहत कमिटी, जनसंगठन र विभागीय प्रमुखको संयुक्त विस्तारित बैठकले जागरणसभा गर्ने निर्णय लिएको हो।

नेकपा (एमाले) र यसको नेतृत्वका विरुद्धमा अनेकखाले अनर्गल, भ्रमपूर्ण, प्रायोजित समाचारहरू सम्पेषण गरी पार्टी, यसको नेतृत्व र नीतिमाथि चौतर्फी हमला गर्ने प्रयास भइरहेको भन्दै त्यसलाई चिर्नका लागि सभा आयोजना गरिएको एमालेले जनाएको छ।

एमाले बागमती प्रदेश इन्चार्ज डा. राजन भट्टराईले जारी गरेको विज्ञप्तिमा विभिन्न ५ बुँदामा सभाको औचित्य उल्लेख गरिएको छ।