(१) घटना र बिषयसंग सम्बन्धित समाचार :-
सरकारले बारा र पर्सामा करिब ९० प्रतिशत जनसंख्यालाई हैजाविरुद्धको खोप लगाइसकेको छ। बारामा ८८.२५ प्रतिशत र पर्सामा ९० प्रतिशतलाई खोप दिइएको छ। स्वास्थ्य सेवा विभाग परिवार कल्याण महाशाखाका प्रमुख डा. अभियान गौतमका अनुसार बारामा ३,२२,९२६ र पर्सामा ५,८९,३५४ जनालाई खोप लगाइएको थियो।
(२) घटना र बिषयहुने कारण :-
खोप अभियान असोज २६ देखि कात्तिक २ र कात्तिक १३ देखि कात्तिक २७ गतेसम्म एक वर्षमाथिका सबैलाई लक्षित गर्दै दुई चरणमा सञ्चालन गरिएको थियो। गत भदौमा बारा र पर्सामा हैजाको प्रकोप फैलिएपछि स्वास्थ्य सेवा विभागले बाराका ६ र पर्साका १४ स्थानीय तहमा विशेष खोप अभियान सञ्चालन गरेको थियो। घरघर गएर खोप लगाइएर यस वर्ष कभरेज दर ९० प्रतिशतसम्म पुगेको छ।
(३) घटना र बिषयबाट सिक्नु पर्ने शिक्षा :-
सक्रिय खोप अभियान र घरघर पुगेर सेवा प्रवाहले रोग नियन्त्रणमा ठूलो सफलता दिलाउन सक्छ। स्वास्थ्य जनचेतना र समुदायसंगको सहकार्यले महामारी रोकथाममा प्रभावकारी भूमिका खेल्छ। नियमित खोप कार्यक्रमले बाँकी जनसंख्यालाई पनि सुरक्षित राख्न आवश्यक छ।
