१. घटना र विषयसँग सम्बन्धित समाचार:
राष्ट्रिय गौरवको आयोजना हुलाकी राजमार्ग १६ वर्षदेखि अलपत्र अवस्थामा छ। २०६६/०७७ मा सुरु गरिएको यो आयोजना पूर्वमा झापा को केचना देखि पश्चिममा कञ्चनपुर को दोधारा चाँदनीसम्म १,८५७ किलोमिटर सडक र २५० पुल निर्माण गर्ने लक्ष्यसहित अघि बढाइएको थियो। हालसम्म ७५ प्रतिशत भौतिक प्रगति भए पनि काम पूरा हुने समय अनिश्चित छ। लागत ४७ अर्बबाट बढेर १ खर्ब १ अर्ब नाघेको छ।
२. घटना र विषय हुने कारण:
राजमार्ग निर्माणमा ढिलासुस्ती हुनुका प्रमुख कारण ठेक्का व्यवस्थापनको कमजोरी, निर्माण व्यवसायीको लापरबाही र सरकारी उदासिनता हुन्। समयमै बजेट निकासा नहुनु, पटक–पटक म्याद थपिनु र रुग्ण ठेक्का रद्द गर्न ढिलाइ हुनु मुख्य समस्या बनेका छन्। जङ्गल क्षेत्र र निकुञ्जभित्रका खण्डमा अनुमति तथा व्यवस्थापन जटिलताले काम रोकिएको छ। सम्झौता सर्त पालना नगर्दा १४ ठेक्कामध्ये केही रद्द गरिएका छन्।
३. घटना र विषयबाट सिक्नु पर्ने शिक्षा:
यस घटनाले राष्ट्रिय गौरवका आयोजनामा प्रभावकारी योजना, पारदर्शिता र कडा अनुगमनको आवश्यकता देखाएको छ। समयमै बजेट विनियोजन, जिम्मेवार ठेकेदार छनोट र कडाइका साथ कार्यान्वयन नगरे विकास अवरुद्ध हुन्छ। दीर्घकालीन पूर्वाधार परियोजनामा राजनीतिक हस्तक्षेपभन्दा परिणाममुखी व्यवस्थापन जरुरी छ। जनताको करबाट सञ्चालित यस्ता आयोजनामा ढिलासुस्ती नगरी समयमै सम्पन्न गर्नु राज्यको मुख्य दायित्व हो।
