काठमाडौं, १२ असार । नेपालमा आज थप ५९३ जनामा कोरोना भाइरस (कोभिड–१९) संक्रमण पुष्टि भएको छ ।

शुक्रबार स्वास्थ्य तथा जनसंख्या मन्त्रालयले दिएको जानकारीअनुसार पछिल्लो २४ घण्टायता थप ५९३ जनामा कोरोना पोजिटिभ देखिएको हो ।

मन्त्रालयका प्रवक्ता प्रा. डा जागेश्वर गौतमका अनुसार देशभरिका विभिन्न स्थानका प्रयोगशालामा गरिएको परीक्षणमा १०७ महिला र ४८६ पुरुषमा कोरोना संक्रमण पुष्टि भएको हो ।

यससँगै नेपालमा कोरोनाबाट संक्रमण हुनेको संख्या ११ हजार ७ सय ५५ पुगेको छ । जसमध्ये २४९ महिला र १० हजार ५०६ पुरुष रहेका छन् ।

यता, नेपालमा कोरोनामुक्त हुनेको संख्या २ हजार ६ सय ९८ पुगेको छ ।

पछिल्लो २४ घण्टामा थप ४८ जना कोरोनालाई जितेर घर फर्किएका छन् ।

यसैगरी कोरोनाबाट ज्यान गुमाउनकाे संख्या २७ रहेकाे छ । शुक्रबार काेराेनाका कारण थप एकजनाकाे मृत्यु भएकाे मन्त्रालयले जानकारी दिएकाे छ ।