काठमाडौं, १२ असार । पछिल्लो २४ घण्टायता नेपालमा थप ४८जना कोरोना भाइरस (कोभिड–१९) संक्रमणलाई जितेर डिस्चार्ज भएका छन् ।

स्वास्थ्य तथा जनसंख्या मन्त्रालयले शुक्रबार दिएको जानकारीअनुसार थप ४८ जना कोरोनामुक्त भएका हुन् ।

मन्त्रालयका प्रवक्ता प्रा. डा जागेश्वर गौतमले आज ८ महिला र ४० पुरुष कोरोनालाई जितेर डिस्चार्ज भएको जानकारी दिए ।

यससँगै नेपालमा कोरोनामुक्त हुनेहरूको संख्या २ हजार ६ सय ९८ पुगेको छ ।

यता, नेपालमा आज थप ५९३ जनामा कोरोना संक्रमण पुष्टि भएको छ । यससँगै काेराेना संक्रमितकाे संख्या ११ हजार ७५५ पुगेकाे छ ।